جمال عثمان ود جادالكريم
قلبي الخزه من ريد الصِعِبلو هواهو
بقى متلوش ؤسرعة دقتو موالياهو
شبيهه الشاتلو راويهو ومجدول ماهو
تب اتقسى يا الكردوسي ليهو لماهو
قول للمثنى الديمه راصنو غناهو
لامين قبل شين بتفهمك نوسلاهو
ظبياً لاحظي قبل اليوم ابد ما رأهو
قلبي الرادو بي نظرة موايقو نهاهو
دام قلبي المتيم وبي بساطه كواهو
مجبور الفؤاد يستحملو ان قصاهو
30 صوب الجته وهلكني جفاهو
بقيت سارحبو طول أصتعبلي لقاهو
درك الموت وجسدي اللزوم شلاهو
حتى افكاري تاهن في جمال محياهو
رب العزه بالزوق والفهم خصاهو
إلا اتعبني بالجري والشقاهو وراهو